المتل رقم 1 :
(العلف فايت ماشي بايت) من الحكم المتداولة عند الكسابة و اللي توارثوها غالبا من الثراث الشفهي ديال الأجداد حتى وصلات لعندنا..في العمق ديالها ممكن تعتبرها خلاصة أو فكرة عامة في مجال لكسيبة.. و ممكن تصيغ المثل بطريقة اخرى و تسقطوا على جميع المجالات اليومية... العلف فايت.. كتعني ان عملية التسمين كتبدا من مدة طويلة اي عدة شهور.. ماشي بايت.. ماشي حتى للليلة لغادي تديه تحرث عليه بالنسبة للدواب ديال الحرث او تديه للسوق عاد تعلفو.
المتل رقم 2 :
كيقولو الفلاحة اللولين.. العام ولد ثلاثة اشهر.. الناير(يناير) و براير (فبراير)و مارس.. يا اما يزهر و لا مشا تال عام آخر... الناير وَلاَّد براير جَبَّاد و مارس تفكر بلادك و وجد راسك للحصاد و في الناير كاين منزلة الليالي لي عاد دخلات.. و باش تعرف الليالي دخلات.. الخبز كيولي يطيب فطير و تحلى بلبولة الشعير و يسخن الما في gاع البير
0 التعليقات:
إرسال تعليق