الشاي وفوائده

الشاي مشروب ☕ منعش او منشط بحال البن او القهوة عند الكفار لي معندهمش الوقت كيشربوه في رشفة او رشفتين و مكيشدش منهم أكثر من خمس دقائق...

و سميتو le thé vert ملي دخل للمغرب و في إطار قلة ما يدار صاوبو ليه براد ديال الفضة و صينية بالرجلين و الزنابل و الطقوس نعاماس و دارو ليه واحد اختصاصي في التعمار في المناسبات. عرس او جنازة. و واحد هاز مقراش يتسخر عليه و ربعة و عشرين جالسين يتساناو في الدكة اصلا مكاين ما يدار ياك غا الزرع زرعناه نعمرو اتاي بينما تشكلات الحكومة .

 و اجتاهدو العلماء الأجلاء و فكرو يصاوبو قالب ديال السكر فيه جوج كيلو نعاماس.. ايييه مكايناش في شي دولة كتحتارم راسها و المواطنين ديالها واش اصاحبي تمثال ديال السكر... راه ممكن يكون أداة جريمة هداك و لا مشا حتى طاح ليك على رجليك يهرسك.

 و من طبيعة الحال غادي يجي الزلط او الفقر و غادي يقتارح علينا نوليو ندوزوه بالخبز.. ليصبح في اطار الجوع جوج مواكل.. و واحد من العائلة يفرق و يلاgي..كاين لي تبلا بيه كاع..و دخلوه للثراث نعاماس وخا هو صيني ولد الصينية وكثرو سماواتو ها النحلة ها النخلة ها الفجلة ها الحجلة الخ من اسماء الحيوانات و الجماد. و هو الا بغيتي تدير ليه اسم خالي من البهرجة فهو: ماء ساخن محلى زائد قليل من العشب المجفف.