عومارولد بومهدي الحلقة 2
جلول.. شكووووووووون
عومار: غا أنا
جلول: عومار هذا؟
تا دور دخل من لباب مالك؟
عومار: راه gلت موحال غادي نلقاك دقيت عالله نوض نوض حل عليا و gطعني على هاديك المجحومة
جلول: غا دفع لباب راه غا مردود
عومار: و الكلبة؟
جلول: تا غا دخل راه يلاه لقيتيني جاي من الدوار لفوgاني هداك الشمكار ولد يزة قتل لكلبة و لاحها في المطفي.. راني باقي كنترعد وحلت غا مع مو gالت ليا داير راسك في دري قد فخدك..
عومار: بلاتي بلاتي هانا غندخل.. دار عومار دفع لباب و دخل للخيمة و جا عند جلول للحانوت...
السلامو عليكم.. تا كيدير ا صاحبي
جلول: لا تسول راه هادي طريgي من عند خيمة يزة.. وصلت من لفيلاج باقي محطيتش السلعة من لكرويلة... تلgات ليا بنتي تبكي و تنخصص شهgة تهزها و شهgة تحطها
عومار :علاش؟
جلول: تاناش ساير نعاود لك على لكلبة.... واقيلة قوات ليك الباتول....
عومار: ههههه و غا سكت و ليني ا صحيبي هاديك لكليبة وخا كانت قاهراني في هاد الزنقة بقات فيا
جلول: تا مالك واgف؟ رد لباب على السمرة و ارا هداك لبيدو وراك و لمقراش راه يبان ليك تحت هرنيس... و جر هداك الصندوق تاع لمونادا و ريح حط قمامزك لرض
عومار: و الله الا غتديرها مزيانة غتعمر لينا بريريد..قرب قرب ليا لمجمر حدايا و ارا هاديك الصينية نغسلها
جلول: هز كلشي برا و لوح معاك ليقامة للبغلة و شلل لبراد و لكيسان.....
شي لي دار عومار gفض جلابتو و غسل لبريق و لكيسان و رجع
ومع الدخلة قال لجلول يلاه تفكرت ولد بوعزة والدة ليه لكلبة وصيه على جرو
جلول: ايييه غدا في السوق نgولها ليه..
عومار: تا gول ليا باقا عندك شي طابة؟
جلول: وااالو و الله الا تسنيت لحريفي تا سخفت حدا الطلعة ديال الواد.. تا داز عليا و لد لمشي لقاني واقف بالكرويلة و عرفني كنتسنا في لحرايفي
عومار: واواواو على ولد لمشي راه يقرا لبرا من gفاها...ايوا؟
جلول: جا عندي عمر ليا ثلاثة الشقوفة و هو لي gال ليا راه لحرايفي مشدود
عومار: علاه نتا مفيراسكش لبزخ ولد مينة شدوه في لاربعا بخنشتو...... و راه ديك الليلة مجمعين حنا عند ولد دامي و نطق لحوسين ولد بوعزة قال ليهم لبزخ ولد مينة راه في عينها.... راهم عاسين عليه و فيعلا شدوه يا خويا
جلول: والله مافيراسي.. ارا ارا نعمرو شي عود
عطاه عومار السبسي و الكموسة.... و تكلف هو بالجعبوق ديال اتاي..
و محد الليل كيزيد كتزيان الggلسة ديال الناس البسطاء.. و يحلا لحديث.... و باش منطولش عليكم (يتبع)
0 التعليقات:
إرسال تعليق